Andi yo ondi andi,
sempre volvere a mi pueblu,
pos de aquí no me saca a mi naie,
a no se caminu del cementeriu,
el dia que mi pies vayan por delanti.
Andi yo onde andi,
mi corazón sempre estara entri estas montañas,
aquí sempre metio en mi pueblu,
en esta Mancumunida jurdana,
y nunca ire yo ma leju, de dondi me llevi mi mula parda.
Andi yo ondi andi,
aquí tengu yo mi casa,
mi guerto, mis olivus y a la mi Paca,
una parcelita pa la eternidad,
y tou lu que me jaci falta.
Andi yo ondi andi,
no andare mas caminu,
que el de mi casa al guertu,
que el de mi casa al riu,
y si alguna vez pasu del puertu,
es pa ir a arregra los olivus.
Andi yo onde andi,
no me busqueis en el cielu,
pues pa mi no exitis mas paraisu eternu,
que vivi con mi paisanus, que vivi al lau del corderu,
rodeau de olivus y cerezus en Casa de Palomeru.
Andi yo ondi andi,
sempre volvere a mi pueblu,
pos de aquí no me saca a mi naie,
a no se caminu del cementeriu,
el dia que mi pies vayan por delanti.
No hay comentarios:
Publicar un comentario