QUE VIENI EL REI (Escrita en Hurdano antiguo)

 

Vamus paisanus y paisanas pos mañana e dia de fiesta,
jay que i tous a la plaza y llena los portali,
vieni el Rei a visitarnus y a conoce las jurdes,
con un escrito famusu y un curanderu ilutri,
hay que mostrarli a todus que somus listus y jumirdes.

Esta mañana templanu sonarun ya las campanas,
hoy vieni Alfonsu treci y el pueblu se visti de gala,
ya tocan los tamborileru y bailan sin para las mozas,
dicin la guadia civi que ya esta mu cerca e monarca,
mentras el señu alcardi jecha un bandu pa que vaya tu el pueblu a la plaza.

Corri Juana prepara el traji de los domingus,
el gorru nuevu que compramus y tu ponti tu e vestiu,
la ropa que lo dos usamus pa la comunio del niñu,
y al niñu ponli el pantalon y la camisa que le pusimus,
que ay i guapus a la plaza grandi a jacerlo bien veniu.

Ya tienin preparau el escritu pa recuerdu de esti dia,
ya estan preparadu lus Terrones su jumildi morada,
el salun grandi, la alcoba meju y la sabanas nuevas,
y jan mandau a la sirpienta a buca un cantaru de agua,
pa que a Rei no le falti na, pa que este agustu en la casa.

Vamus paisanus y paisanas pos mañana e dia de fiesta,
jay que i todus a la plaza y llena los portali,
vieni el Rei a visitarnus y a conoce las jurdes,
con un escrito famusu y un curanderu ilutri,
hay que mostrarli a todus que somus listus y jumirdes.