Anda niñu y veti a casa de señor More,
y traite de allí lo que te pio,
que casi ya es la jora de come,
y aún no tengo ni el puchero jervio,
y tú pae está a puntu de aparece,
de trabaja comu una bestia en los olivus.
Veti y no te entretengas muchu jugandu con otrus niñus,
que ya sabes que tú pae tiene el cinturón corriu,
y si tiene que salí a buscarti te da lo suyu y lo miu,
y a luegu vienis llorandu con el culu doloriu.
Pasa también por dondi la señora nati,
que te de unas rocas de yema y un pan bien cociu,
dili que mañana se lo pagu que voy yo al jornu a jacer lo miu,
pues tengu ya que jace los jornazu,
que ya es el día de la romería esti domingu.
Si ves al señor Valentín a la que vienis de caminu,
dili quesi ya tieni el encargu que tú padri le a pediu,
que si esta mañana lo recuju y le doy lo conveniu,
que con el trasmayu nuevu quieri i tú padri al ríu,
pa subí unus pecis que lo de la carni en Semana Santa está prohibiu.
Anda niñu y veti a casa de señor more,
y traite de allí lo que te pio, que casi ya es la hora de come,
y aún no tengo ni el puchero jervio,
y tú pae está a puntu de aparece,
de trabaja comu una bestia en los olivus.
No hay comentarios:
Publicar un comentario