EL GUERTU (EN CASTUO,JURDANO ANTIGUO)

A la uña y endile que yo te esperu,

poniendoli la albarda a la besthia,
y echandu tous lus aparejus,
para ir a sembrar el guertu.

A la uña que la faena nus espera,
hay que sembrar patatas y habichuelus,
no se te olvidi en casa el agua,
las andalias,la segureja y los sachus.

Mentras yo hagu los sulcus,
tu deja bien limpia la regaera,
para que pasi bien el agua,
del el regatu de la tambolirera.

Cuandu terminis la tarea,
coje la segureja y corta esos palus,
para usarlos para las tomateras,
y luegu echame a mi una manu.

Ya cai la tardi en el guertu,

ya es hora de recoger los habius,
a la uña ve por la behtia y ponli el seron,
que hoy ya esta tou el trabaju vendiu.