Ajora que me se jacen más cortus los jaños,
Que me je jechu sin darmi cuenta vieju,
Que se me ja llenau de escarcha la cabeza,
Y que jandu despaciu encorvau,
mirandu muchu par suelu.
Sentau a la puerta viendu juga a mi nietus,
Ains si suieran cuantu trabajo su abuelu,
En esa tierras de otrus,
Arrancandu comu un esclavu el monti,
Sembrandu olivus y cerezus,
De sol a sol, y sembrandu a partí también los guertus.
Que fácil es ajora la vida,
Lo tienin casi tou echu,
Ya casi naie se sacrifica,
La mayoría de los muchachus se jan idu del pueblu,
En busca de una buena vía,
Esa que no tuvierun sus paes,ni sus abuelus,
Esa que jantes era dura, cobradu un miseriu sueldu.
Ya me quea poca via,
El tiempu me está llamandu jacia el lechu,
Esi que ma espera en el campu santu,
Pa forma parti del suelu,
Joy recuerdu lo que decia el cura,
Y también lo decía mi abuelu,
Polvu jemos siu, y polvu otra vez seremus.
Ajora que me se jacen más cortus los jaños,
Que me je jechu sin darmi cuenta vieju,
Que se me ja llenau de escarcha la cabeza,
Y que jandu despaciu encorvau,
mirandu muchu par suelu.
No hay comentarios:
Publicar un comentario