TRABAJAO DEL CAMPU (En Hurdano antiguo)

 

Con las manus encallaas,
y el gorru calau,
la alforja en la besthia,
caminandu va jacia su casa,
un trabajao valienti y jonrao.

Ya se ja terminao el día,
y el trabaju mu bien jechu,
con el sachu al hombru,
sonrieti, feliz y satisfechu.

Asin vuelvi un trabajao del campu,
cuandu se ja terminao la peona,
de luchar contra la tierra,
y de quebrarsi la rabailla.

cuandu llega a su casa,
cuelga el sachu en la cuadra,
le quita a la besthia el seron y la albarda,
la llena el pesebri y la poni un cubu de agua.

Al subi a su casa lo espera comu siempri,
su muje en la cocina preparandu la cena,
el se lava con agua calienti,
y a luegu en la mesa ve a su hiju con una sonrisa en la cara.

Antis de dormi se poni a pensa,
mañana me toca labra,
ya tengu preparau el arau,
y el sacu de patatas.

Estus días me toca la siembra,
tengu que sembrar las patatas,tomatis, cebollas, calabazas y jabas,
aunqui son sábadu y domingu,
un trabajao del campu, jamas descansa.