COMU YO TE QUIERU (Escrita en Hurdano antiguo)

 

Yo quieru casarmi contigu niña,

pa que me quieas comu yo te quieru,

juntamus todus nuestrus jabius,

las casas, los olivus y los güertus,

y si tu pae lo consienti jasta el alta yo te llevu.

Yo quieru casarmi contigu niña,

pa que me quieas comu yo te quieru,

pue de toas las rosas mas jermosas,

que jai repartia por el mundu enteru,

tu jeris la mas preciosa y con los coloris mas bellus.

Yo quieru casarmi contigu niña,

para que me quieas comu yo te quieru,

desdi el prime dia que mis ojus te vierun,

no jai pa mi ma mujer en la jurdes que tu,

y si tu no me acepta yo de pena me mueru.

Yo quieru casarmi contigu niña,

pa que me quieas comu yo te quieru,

pa jace una via juntus compartiendu el mesmo techu,

sin importarnus ya na, sin importarnus el tiempu.

Yo quieru casarmi contigu niña,

pa que me quieas comu yo te quieru,

juntamus todus nuestrus jabius,

las casas, los olivus y los güertus,

y si tu pae lo consienti jasta el alta yo te llevu.

QUIEN HABLARÁ DE NOSOTROS (Fotos de Granadilla, Cáceres)

 

Quien hablará de nosotros,

Cuando la espada se quiebre por el paso del tiempo,

Cuando el honor lo compren unas monedas,

Y la armadura coja óxido en un rincón.

Quien hablará de nosotros,

Cuando el valor no signifique nada,

Cuando la tierra sea estéril por la mano del hombre,

Y los caballos dejen de galopar.

Quien hablará de nosotros,

Cuando no queden caballeros,

Cuando las guerras ya no sean Santas,

Y dejemos que escupan a la Cruz sin castigo.

Quien hablará de nosotros,

Cuando las palabras no tengan valor,

Cuando no existan ya las cruzadas,

cuando los dragones no manden en el cielo,

Y los caballeros no le recen a dios pidiendo la gloria.

Quien hablará de nosotros,

Cuando las cadenas encadenen la Libertad,

Cuando las mordazas silencien los gritos,

Y cuando la sangre se enfrente a su sangre.

Quien hablará de nosotros,

Cuando el sol asesine a la luna,

Quien hablará de nosotros,

Cuando las flores se sequen sobre nuestra tumba.

EL GÜERTU (Escrita en Hurdano antiguo)

 

A la uña y endile que yo te esperu,

poniendoli la albarda a la besthia,
y jechandu tous lus aparejus,
pa ir a sembrar el güertu.

A la uña que la faena nus espera,
Jay que sembrar patatas y jabichuelus,
no se te olvidi en casa el agua,
las andalias, la segureja y los sachus.

Mentras yo jagu los surcus,
tu deja bien limpia la regaera,
para que pasi bien el agua,
del el regatu de la tambolirera.

Cuandu terminis la tarea,
coje la segureja y corta esos palus,
pa usarlos pa las tomateras,
y aluegu jechame a mi una manu.

Ya cai la tardi en el güertu,

ya es hora de recoger los jabius,
a la uña ve por la behtia y ponli el seron,
que joy ya esta tou el trabaju vendiu.

CORRI, CORRI, NIÑU (Escrito en Hurdano antiguo)

 

Corri, corri, niñu,

veti y dili al don Tomas,

que venga corriendu,

que mi muje esta mu mala,

que se me esta muriendu.

No te enrees en la plaza,

ve a casa del cuaranderu,

que el tieni en sus manos la magia,

y el sabi cura el dolo ajenu.

Dili que traiga tos los habius,

que no va a ser por falta de dineru,

que si tengu que empeña lo tous,

empeño jasta la casa y el guertu.

Quieru que mi mujer se salvi,

pues pa mi es lo unicu que tengu,

na vale en e mundu sin mi juani,

y si se va yo tambien me mueru.

Corri, corri, niñu,

veti y dili al don tomas,

que venga corriendu,

que mi muje esta mu mala,

que se me esta muriendu.

Corri que el tieni el remediu,

pa sanar el alma humana,

pa cura su cansau cuerpu,

pa que no me falti en la casa,

pa que se levanti del lechu.

ESCRIBU COMU JABLU Y JABLU COMU ESCRIBU (Escrita en Hurdano antiguo)

 

Escribu comu jablu y jablu comu escribu,

Pues soy de casar de Palomeru, esi es el pueblu miu,
Nació y criau a la sombra de los cerezus y olivus,
Y con mas corazón en el cuerpu que la sotana de un obispu.

Escribu comu jablu y jablu comu escribu,
Pues nunca a naie na jamas le pediu,
Ya lo tengu tou ganau y lo tengo ya tou vendiu.
De na me va a servi la casa ni el guertu mío,
Pues cuandu la señora venga a buscarmi tendre to el caminu corriu.

Escribu comu jablu y jablu comu escribu,
Pues mi escuela fue la via, la via que yo je viviu,
Trabajandu cada día en el campu como un descosiu,
Quebrándome la rabailla con la segureja, el sachu y el picu.

Escribu comu jablu y jablu comu escribu,
Na me importa a mi que no se entienda lo que digu,
Pues yo je sio mu feliz entre estas montañas metiu,
Y si se gunde el mundu que no cuenten conmigu.

Escribu comu jablu y jablu comu escribu,
Pues soy de casar de Palomeru, esi es el pueblu miu,
Nació y criau a la sombra de los cerezus y olivus,
Y con mas corazón en el cuerpu que la sotana de un obispu.

Escribu comu jablu, jablu comu escribu.